مرچوں کا سالن

 مرچوں کا سالن

اجزاء:

ہری مرچ درمیانے سائز کی ------ آدھا کلو

پیاز بڑے سائز کی ----- چار عدد (باریک کاٹ لیں)

خشخاش ---- دو کھانے کے چمچ

تل ----- دو کھانے کے چمچ

ثابت دھنیا ---- دو کھانے کے چمچ

سفید زیرہ ----- ایک کھانے کا چمچ

کھوپرا ----- ایک چھوٹا سا ٹکڑا 

سالن کے لیے مصالحہ

ہلدی ---- دو چائے کے چمچ

ادرک لہسن کا پیسٹ ------ ایک کھانے کا چمچ

کری پتہ ----- چھ عدد

کلونجی ----- ایک چائے کا چمچ

نمک ---- حسب ذائقہ

املی ----- ایک پیالی (دو کپ گرم پانی میں بھگو دیں)

کوکنگ آئل یا گھی ----- دو کھانا پکانے والے چمچ

بگھار کے لیے مصالحہ

سفید زیرہ ----- تھوڑا سا

ثابت لال مرچ ---- چھ عدد

میتھی کے دانے ----- تھوڑے سے

کری پتہ ----- چار عدد

ترکیب:

ایک کھلے منہ والی دیگچی میں تیل گرم کریں اور اس میں مرچیں ذرا سے نمک ڈال کر تلیں اور کسی دوسرے برتن میں نکال لیں- جب مرچیں نکال چکیں تو دیگچی میں چولہے پر چڑھائے ہوئے گھی یا آئل میں فوراً بگھار والے مصالحے ڈال دیں- تمام مصالحے ٹھیک سے فرائی ہو کر تقریباً سیاہ ہو جائیں تو فوراً پیاز شامل کر دیں- پیاز ہلکی گلابی ہونے لگے تو سارے مصالحے ڈال کر ہلکا سا بھون لیں- اس کے بعد فرائی کی ہوئی مرچیں شامل کریں اور اچھی طرح چمچ چلا دیں- اب املی کا رس نکال کر مرچوں کے اوپر ڈال دیں اور ایک بار ہلکا سا چمچ ہلا کر پورے سالن میں شامل کر دیں- ساتھ ہی کری پتہ ڈال کر ہلکی آنچ پر دم کے لیے رکھ دیں- خوشبو آنے لگے تو چولہے سے اتار لیں اور گرما گرم روٹیوں یا نان کے ساتھ پیش کریں- لذیذ اور چٹخارے دار حیدرآبادی مرچوں کا سالن تیار ہے-